Бухара облусунда жергиликтүү бийлик математика боюнча эл аралык олимпиадалардын көп жолку жеңүүчүсү, 9-класстын окуучусу Дониер Исмоиловдун үй-бүлөсүнө там салып берди. Учурда курулушчулар үйдүн ички жасалгалары менен алектенүүдө.
Былтыр жергиликтүү басылмалар Дониер Исмаиловдун апасы кара сарык менен ооруп жатканы, атасынын туруктуу жумушу жок экенин кабарлашкан. Үй-бүлөдөгү каржы маселелеринен улам өспүрүм окуусун уланта албай калган.
Кийинчерээк Бухара облусунун башчысы Уктам Барноев окуучунун үй-бүлөсүн кабыл алып, үй салып берерин билдирген.
Элдик билим берүү башкармалагы Дониер Исмаиловго ноутбук белек кылууну, Өзбекстан Жаштар биримдиги ал үчүн жеке китепкана уюштурууну убада кылган.
Булак: «Борбор Азия жаңылыктар кызматы»
КОММЕНТАРИЙ КАЛТЫРУУ