Айбек Ажигулов Улуттук спорт түрлөрү боюнча дирекциянын жетекчиси болуп дайындалды. Бул тууралуу Дене тарбия, спорт жана жаштар иштери боюнча мамлекеттик агенттиктин басма сөз кызматы кабарлады.
Белгилүү болгондой, Ажигулов бул кызматка 2 жылдык мөөнөткө дайындалды.
«14-февралда Улуттук спорт түрлөрү боюнча дирекциянын жаңы жетекчиси эмгек жамааты менен тааныштырылды. Дирекцияны буга чейин жетектеп келген Токсонбай Асанов 31-январда башка кызматка которулган», – деп айтылат маалыматта.
Айбек Ажигулов 1966-жылы туулган. 1989-жылы Ленинград шаарындагы Аскердик-саясий окуу жайын аяктаган. 2018-жылдын апрель айынан бери Дене тарбия, спорт жана жаштар иштери боюнча мамлекеттик агенттигинин алдындагы Спорттук мекемелердин курулуштары жана спорттук камсыздоо башкармалыгынын жетекчисинин орун басары кызматын аркалап келген.
Булак: «Мантыш»
КОММЕНТАРИЙ КАЛТЫРУУ