Кашкар Жунушалиев деген министрлик кызматка эмес, айылдык милиция бөлүмчөсүнүн башчылыгына эле татыктуу экенин буга чейин далай ЖМКлар жазды. Анын деңгээли ИИМди реформа кылууга эмес, талкалоого, элине каршы зордук-зомбулук көрсөтүүгө толук жетет экен. Себеби, ИИМде реформа жүрмөк турсун, жүргүзүлгөн реформалардын тамтыгын чыгаруу иштери болгонун жалпы коомчулук жакшы билет. Жунушалиев Атамбаев камалгандан кийинки Ала-Тоо аянтындагы ызы-чуу боюнча буларды айтты. “Соттолгондор менен наркомандар бийликти алып, шаарды тоноп, ызы-чуу салганга аракет жасашты. Ошолордун аркасында аларды уюштурган азыркы жана мурдагы депутаттар бар экенин айта кетем. Азыр тергөө жүрүп жатат. Кийин керек болсо алардын аты-жөнүн да айтабыз”, – деди.
Министр ар кайсынын башын кылтыйтып айтпай, кылмышка шектүүлөрдү дароо айтышы керек эле.
Көшөгө артындагы көмүскө тергөөнүн жүрүшүндө чындыкка кошпогон жагдайлар да жармаштырылып калышы толук мүмкүн. Андыктан, мындай нерселерди табышмак кылбай дароо айтуу зарыл.
Булак: «Багыт»
КОММЕНТАРИЙ КАЛТЫРУУ