Кечээ Сокулук районундагы Орок айылында жаштар арасында чыр чыгып, мушташка айланып, ок атышуу болгон. Ал окуя боюнча факты катталып, уруш эмнеден чыкканынын чоо-жайын милиция билдирген. Бүгүн мушташты ким чыгарганы аныкталып, ага кылмыш иш козголуп, сотко чейинки өндүрүш башталганы тууралуу ОИИББдан билдиришти.
Алардын маалыматына караганда, керектүү экспертизалар дайындалып, милиция ок чыгарган кишини кармоо боюнча аракетин жүргүзүүдө.
Эскерте кетсек, Орок айылында буга чейин да мушташ чыккан. Тагырагы, ушул жылдын 5-июлунда эртең мененки орозо айттан кийин жаш балдар мушташып, жаңжал чыккан. Жаш балдардын мушташы күчөп, жүздөгөн кишилер көчөгө чыккан. Натыйжада, 15 үйдүн терезелери талкаланып, бир саманкана өрттөлгөн. Ал окуяга ИИМ министри Кашкар Жунушалиев баштаган бир нече автобустар менен милициялар барган. Ал жерден 25-30 киши Сокулуктун милиция бөлүмүнө жеткирилген. Окуя болгон жерде, андагы Чүй облусунун башчысы Туйгунаалы Абдраимов журналист кыздын олуттуу суроосуна орой жооп берип, журналисттердин каарына калып, кызматтан кеткен.
Булак: Kyrgyztoday.kg
КОММЕНТАРИЙ КАЛТЫРУУ