Мурунку президент Алмазбек Атамбаевдин тушундагы ири жемкорлуктун бири катары каралган Улуттук тарых музейдеги коррупция Биринчи май райондук сотунда каралууда. Эксперттер тарабынан музейди ондоодо мамлекетке 30 миллион 650 миң сом зыян келтирилгени аныктаган. Айыпталуучулардын арасында мурдагы премьер-министр Сапар Исаков, президенттик аппараттын кызматкери Мира Карыбаева, Алмазбек Абдыкаров, Айдарбек Мендеев, Улукбек Матисаков жана Шайбек Атабеков бар. Аларга «жемкорлук» беренеси менен айып тагылган. Кийин Ысык-Көлдөгү ат майданды оңдоодогу корруппия менен бириктирилген. 8-октябрдагы соттук отурумда күбөлөр суралды. Ысык-Көл УКсинде иштеген Максат Малаев кимдир бнрөө чалып чакырганын, 16-марттан баштап ишке киришкенин, сметасы жок техникалык иштерди аткарганын айтып берди. Эске салсак, Исаков менен Карыбаевадан башкасы тергөө менен кызматташууга макул болгон үчүн алардын иштери бөлөк каралууда.
Булак: “Де-Факто”
КОММЕНТАРИЙ КАЛТЫРУУ