Алматыда өзүн сот катары тааныштырып, жалган өкүмдөрдү чыгарып жүргөн аял кармалды. Бул тууралуу шаардык прокуратура билдирди.
Мекеменин маалыматына караганда, өлкө жарандарынын бири «Эл аралык «Адилет» арбитраждык сотунун» шериктештигин түзүп, сот катары административдик, кылмыш жана жарандык иштер боюнча чечимдерди чыгарып келген. Өкүмдөр мамлекеттик герб түшүрүлгөн расмий соттук бланктарга жазылган.
— Ал мындай мыйзамсыз соттук актылар менен жарандарды айдоочулук күбөлүгүнөн ажыратып, акча алып, тергөө изоляторлорундагы адамдарды эркиндикке чыгарууга аракет кылган, — деп жазылган прокуратуранын билдирүүсүндө.
Мекемеден аталган шериктештик жоюлуп, жалган сотко каршы кылмыш иши козголгонун кошумчалашты. Учурда бул иш боюнча тергөө иштери уланууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ