Кыргызстандын түрмөсүндө жаткан индус мекенине которууну суранып келет

№8 түрмөдө жаткан Индиянын жараны мекенине котоорууну суранып келе жатканы жөнүндө 5-декабрда “Сот системасындагы адам укугу” аталышындагы форумда айтылды.

Ал бул тууралуу №8 түрмөгө барган укук коргоочулардан суранган. С.С. аттуу индуска Кыргызстанда издөө жарыяланып, Ташкенттен кармалып, Өзбекстандын абагында 1 жыл жаткан. Анан Кыргызстанга которулган экен.

Ош шаардык сотунун өкүмү менен ал 7 жылга эркинен ажыратылган. Калган мөөнөтүн Индияда өткөргүсү келет экен.

Бирок ал Индияга которуу боюнча арыз жаза албастыгын, анткени Кыргызстан менен Индиянын ортосунда соттолгондорду которуу келишими жок экенин түшүндүрүшкөн.

Булак: KyrgyzToday.kg