21-январда УКМКнын имаратында кримтөбөл А.Батукаевди мыйзамсыз бошотуу боюнча сот отуруму уланды. Айыпталып жаткандардын бири – А.Атамбаев.
Атамбаевдин жактоочусу Замир Жоошев күбө катары А.Батукаевди, Чеченстандын президенти Рамзан Кадыровду жана Мамдуманын депутаты Адам Делимхановду чакыруу өтүнүчүн келтирди.
“Шамиль Атахановдун көрсөтмөсүнө ылайык, А.Атамбаев Р.Кадыров менен сүйлөшкөн. Андан кийин Атаханов Делимханов менен кызматташуу жөнүндө сүйлөшкөнүн айткан”, – дейт жактоочу.
Бирок сот өтүнүчтү четке кагып, бир гана Турсунбек Акунду жана Кыргызстандагы күбөлөрдү чакырмай болду. Ошентип сотко ИИМдеги тергөөчүлөр Эркебек Аширходжаев менен Азамат Жумабаев чакырылат.
Ошол эле учурда сот бул күбөлөр боюнча өтүнүч келтирүүнүн зарылчыгы жок экенин айткан. Буга каршы болгон жактоочу С.Слесарев кийинки сот отурумунда сотко ишеним көрсөтпөй тургандыгы боюнча билдирүү кыларын билдирди.
Булак: KyrgyzToday.kg
КОММЕНТАРИЙ КАЛТЫРУУ