Menu

Бермет Барыктабасова, эксперт: “Медициналык кызматкерлер бир жолу колдонуучу костюмдарды жууп, кайра кийип жатышат. Убадаланган гуманитардык жардам кайда?!”

Бөлүшүү:

КР Саламаттыкты сактоо министрлигинин далилдүү медицина боюнча адиси Бермет Барыктабасова дарыгерлердин жана медициналык мекемелердин жетекчилеринин кайрылууларын чогулткан. Анын айтымында, биринчиден аларды убада кылынган гуманитардык жардамдын кайда экендиги тынчсындандырат.

Бермет Барыктабасованын Фейсбук социалдык баракчасындагы жазган постунан үзүндү келтиребиз.

“..Дарыгерлер унчукпай турбайбыз. Азыр биз эпидемияны жеңип, элге жардам берүү үчүн, чындыкты ачык айтуубуз керек! Бизде, катардагы дарыгерлерде, бийлик үчүн көптөгөн суроолор бар. Жеке коргонуу шаймандары менен камсыз кылуу боюнча өлкөнүн биринчи адамдарынын катуу айткан сөздөрүн эстегибиз келет.

Биринчи вице-премьер-министр Кубатбек Бороновдун билдирүүсү боюнча, бир жолу колдонула турган 16388 жана көп жолу колдонууга жарактуу 13060 костюм, 41611 респиратор, 410692 бут кийим, 6579 көз айнек бар.

Алар кайда? Эмне үчүн алар дагы эле таратылган жок? Эмне үчүн жеке коргонуу шаймандарын бөлүштүрүүдө ачыктык жок? Келген жеке коргонуу шаймандары кайда?

Социалдык тармактарда саат сайын жеке коргонуу шаймандарын жетишсиздиги жөнүндө посттор жарыяланат.

Өлкөдө 100гө жакын дарыгер коронавирусту жуктуруп алды. Бул бардык коронавирусту жуктурган адамдардын 20% дан ашыгы.

Ошентип, баштайлы.

“Бизди камсыз кылып жатышат, жакшы тамактанып жатабыз. Жалган айтканыбыз үчүн кечирип койгула” – деп социалдык тармактарда дарыгерлер флеш-моб уюштуруп жатышат. Бир дарыгер ооруканада костюм, бахила жана бет кап кийип турган видеосун тарткан (Ноокат аймактык ооруканасынын жугуштуу бөлүмү болушу мүмкүн). Баары эч нерсе эмес, бирок, ал дарыгер коронавирустун очогу болгон аймакта кадимки пахта кездемелеринен жасалган бет капты кийип жүрөт! Биз, дарыгерлер, мындай бет кап дарыгерди вирустан коргобой тургандыгын, бет кап стандартка жооп бербегендигин билебиз. Эң аз дегенде, N95 же FFP2 сыяктуу бет каптар же жок дегенде, стандарттуу хирургиялык бет кап керек.

Ошол эле учурда, министрлер жана Саламаттыкты сактоо министринин орун басарлары, камералардын алдында коркуп, өлкөдө жетиштүү экендиги, ар бир адам жеке коргонуу шаймандары менен камсыздалгандыгы жана бардык оорулуу дарыгерлердин абалы канааттандырарлык экендигин айтып жатышат. Мындай отчетторду көйгөйлөр башталгандан бери күн сайын угуп келе жатабыз.

А чындыгында, 1 дарыгер жасалма дем алдыруу аппаратына туташтырылган, бир нече дарыгерлер жандандыруу бөлүмүндө жатышат.

Калп айтууга ким буйрук берет? Баары жумушунан айрылып калуудан коркушабы? Чындыкты эч ким айта албайбы?

Мамлекеттик телеканалдар гуманитардык жардам келгенин айтып жатышат, калп айтпаганда, төрт же андан да көп ири гуманитардык жардам жүктөрү өлкөгө буга чейин келген. Үчөө Кытайдан, бири Өзбекстан жана Америкадан келген.

Ошондой эле, ЮНИСЕФ жана СОРОС уюмдары гуманитардык жардамдын тизмесин жарыялап турушат.

Биз муну эмне үчүн айтып жатабыз? Өлкөдө 73,000 дарыгерлер (дарыгерлер, орто жана кенже персонал, кадрлар бөлүмү жана бухгалтерияны эсепке алуу менен, ), алардын ичинен 13,800 дарыгер, 35000 медайым.

Коронавирустун очогу болгон аймактарда бир нече миң гана медициналык кызматкерлер иштейт. Санап көрсөк, болжол менен өлкөдө 25 аймакта коронавирустун очогу болушу мүмкүн. Эпидемияга каршы күрөшүп жаткан медициналык кызматкерлерди жеке коргонуу шаймандары менен камсыз кыла алышпадыбы? Биз үчүн багытталган гуманитардык жардам кайда?

Кызыктуу факт, Кытайдан Торугарттан гуманитардык жардам келгенден эки күн өткөндөн кийин, Кытайда жасалган бет каптар, костюмдар жана көз айнектер өлкөдөгү белгилүү дарыканалардын текчелеринде пайда болду, ал тургай Инстаграмда дагы бирөө ушул сыяктуу беп каптарды 550 сомдон сатты. Ошол убакта медициналык кызматкерлер жеке коргонуу шаймандарын таппай жүрүшкөн.

Албетте, дарыгерлер обсервацияларга эч кандай коргонуу шаймандарысыз барды. Коргонуучу костюмдарды жууп, кайра кийип жатышты (эгерде ал учурда костюмдар бар болсо). Анын жыйынтыгын көрдүңөр, тилекке каршы, биринчи болуп вирусту жуктуруп алган дарыгерлер билбей, ооруп калганга чейин иштешкен.

Саламаттыкты сактоо министрлиги жеке коргонуу каражаттарын кайда бөлүнгөнү тууралуу маалымат бербейт, бирок бизде жеке коргонуу шаймандарын жеткирген ыктыярдуу жардамчылардын кайда жеткиргендиги тууралуу маалымат бар.

Биздин эсептөөлөр боюнча, азыркы учурда ыктыярчыларды врачтар гана камсыздайт! Мамлекеттик жана гуманитардык жардамдан эч кандай кабар жок. 

Эгерде сиз гуманитардык жардамдын бардыгын эсептеп көрсөңүз, анда бардык очокторго, блок-постторго жана обсерваторлорго жетмек” – деп жазган Бермет Барыктабасова.

https://www.facebook.com/bermet.baryktabasova/posts/3129406770423182

Булак: KyrgyzToday.kg

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

83 − = 73

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: