Мамлекеттик жаза аткаруу кызматы билдиргендей, КРнын мурдагы премьер-министрлери Сапар Исаков жана Жанторо Сатыбалдиев, ошондой эле Электр станциясынын мурдагы башкы директору Салайдин Авазов Бишкектеги №1 тергөө изоляторунда орун жоктугунан колонияга өткөрүлүп берилди.
Белгиленгендей, кечээ, 22-апрелде атайын комиссиянын отурумунда 86 соттолгондордун жазасын өтөө жайын аныктоо боюнча материалдары каралган. Анын ичинде, соттолуучулар Сапар Исаков, Жантөрө Сатыбалдиев жана Салайдин Авазовдун жаза өтөө жайлары каралды.
“Сапар Исаковдун жазасын жалпы режимдеги №8 мекемеде, Жантөрө Сатыбалдиев – жалпы режимдеги №47 мекемесинде жана Салайдин Авазов жалпы режимдеги №27 мекемеде жазасын өтөө чечими кабыл алынды”, – деп Жазаларды аткаруу мамлекеттик кызматы түшүндүрдү.
Мекеме Кыргыз Республикасында төрт жалпы режимдик колония бар экендигин баса белгиледи: экөө Чүй облусунда, бири Бишкек жана Жалал-Абадда.
Учурда Бишкек шаарынын СИЗО-1 абагында адам көп болгондуктан бүгүн, 23-апрелде, соттолгондор Бишкек жана Чүй облусунун колонияларына өткөрүлүп берилди.
“Бүгүн Сапар Исаков жана башка соттолгондор Петровка айылындагы №8 мекемеге, Салайдин Авазов – Молдовановка айылынын №27 мекемесине жөнөтүлдү. Ал эми Жантөрө Сатыбалдиев Бишкектеги №47 мекемеге жөнөтүлөт “, – деди Жазаларды аткаруу мамлекеттик кызматы.
Эске салсак, 2013-жылдан 2017-жылга чейин Бишкек ЖЭБи жаңыртылып, ага 386 миллион доллар сарпталган, Кытай бул акчаны ШКУнун насыясынын чегинде берген. Долбоорду кытайлык ТВЕА компаниясы ишке ашырган. 2018-жылдын 26-январында ТЭЦте авария болуп, андан кийин коррупциялык схемалар аныкталды. Анда эки мурдагы премьер-министр, энергетика тармагынын лидерлери соттолгон. Натыйжада, сот Сапар Исаковду 15 жылга, Жантөрө Сатыбалдиевди 7 жыл 6 айга, Айбек Калиевди 15 жылга, Ольга Лавровду 3 миллион сом айыпка жыгып, камактан бошотушкан, Темирлан Бримкуловду да 2 жыл 6 айга, бирок тергөө абагында отурган убакытты эске алуу менен аны сот залынан бошоткон, Салайдин Авазов – 11 жыл 3 айга, Назаров Жолдошбек – 2 жыл 6 айга, бирок тергөө абагында отурган убакытты эске алуу менен аны сот залынан бошоткон. Артыкбаевге 5 миллион сом айып салынып, сот залында камактан бошотулган.
КОММЕНТАРИЙ КАЛТЫРУУ