“Карантин – радикалдуу чаралардын бири. Ал коронавирустук инфекцияны алдын алууга жакшы таасир берет. Европада дагы, Кытайдын өзүндө да мындай чаралар чынында эле жакшы натыйжа берди” – деп билдирди бүгүн, 27-апрелде Саламаттыкты сактоо министринин орун басары Нурболот Үсөнбаев өкмөттүк онлайн-брифингде журналисттердин суроолоруна жооп берип жатып.
“Адамдардын бири-биринен алыс болушу кырдаалды көзөмөлгө алууга мүмкүндүк берет. Эгерде инфекциянын жаңы толкуну пайда болуп, ал массалык түрдө болсо, анда карантиндик жана обсервациялык чектөө чараларын колдонуу зарыл болот. Бирок, бүгүнкү күндөгү эпидемиологиялык кырдаалды алып караганда, жаңы карантин жөнүндө айтууга эрте” , – деди Саламаттыкты сактоо министринин орунбасары Нурболот Үсөнбаев.
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ