Бүгүнкү күндө стационарларда коронавирус илдетин жуктуруп алган 316 бейтап жатат. Бул тууралуу бүгүн, 11-майда өкмөттө өткөн онлайн-брифингде Саламаттыкты сактоо министринин орун басары Нурболот Үсөнбаев билдирди.
Анын айтымында, 9 адамдын абалы оор, алардын ичинен 4 бейтап жандандыруу бөлүмүндө жатат.
Ал эми, орточо оор абалда 77 бейтап, канааттандырарлык абалда 230 бейтап.
Учурда коронавирус илдетинен айыгып ооруканадан чыгарылгандардын саны 688 адамды түздү. Ал эми бул илдеттен 12 адам каза болду.
Булак: «KyrgyzToday»
КОММЕНТАРИЙ КАЛТЫРУУ