Menu

Прокурор Улан Саляновдун өлүмүнө шектелип жаткандарды өмүр бою эркинен ажыратууну талап кылды

Бөлүшүү:

Бүгүн, 4-июнда Бишкектеги Биринчи май райондук сотунда экс-генпрокурор Аида Салянованын иниси Улан Саляновдун өлүмү боюнча соттук отурумда тараптардын жарыш сөзү уланууда. Отурумда судья Марат Сыдыков төрагалык кылып жатат.

Мамлекеттик айыптоочу соттон кылмышка айыпталып жаткан Эрмек Осмонкуловду жана Асанэмир Абыкуловду күнөөлүү деп табууну, экөөнү тең өмүр бою эркинен ажыратып, 300 миң сомдон айып пул салууну суранды.

Жумушчу күндүн аякташына байланыштуу процесс бир айга жылдырылды, эми процесс 3-июлда уланат.

Эскерте кетсек, 2017-жылы 6-ноябрында түн оокумда беткап кийген үч белгисиз немелер Бишкектеги “Көк-Жар” конушунда жайгашкан үйгө киришип, бөлмөлөрдүн биринен үй ээси Улан Саляновду тапанча менен атып өлтүрүшкөн.

Ошол эле жылы ноябрда 1986-жылы туулган Эрмек Осмонкулов бул кылмышка шектүү делип кармалган. Ал мурда дагы бейбаштык, тоноочулук, уурулук боюнча соттолгон экен.

2019-жылдын май айынын аягында Москвадан Токмоктун тургуну, 1983-жылы туулган Асанэмир Абыкулов кармалган, ал мурда эле оор кылмыш үчүн мамлекеттер аралык издөөдө болгон.

Үчүнчү шектүү 1988-жылы туулган Россиянын жараны Заур Насруллаев РФнын шаарларынын биринде кармалган. Аны экстрадициялоо маселеси али чечиле элек.

Булак: «KyrgyzToday»

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 27 + = 30

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: