Ош шаарынын айланасындагы санитардык-карантиндик посттордо жарандарды текшерүү күчөтүлөт. Бул туурулуу Ош шаардык мэриясынын басма сөз кызматы билдирди.
Алардын айтымы боюнча, постто иштеген кызматкерлерге түштүк борборго келген жарандар арасында түшүндүрүү иштерин күчөтүп, бет кап режимин сактабаган адамдарга катуу административдик чараларды көрүү сунушталды.
“Ош шаарынын мэриясы шаарлардан региондорго келген адамдарды жарандык жоопкерчиликти жана коронавирустук инфекциянын жайылышына каршы санитардык-эпидемиологиялык эрежелерди так сактоого кызыкдар болууга чакырат” – деп айтылат маалыматта.
КОММЕНТАРИЙ КАЛТЫРУУ