Өткөн жумадан бери Казакстандын Түркстан облусундагы «Жибек Жолу» көзөмөл-өткөрмө бекетинин жанында топтолуп турган эки миңге жакын өзбекстандык мигрант чек арадан өттү. Бул тууралуу аталган облустагы Сарыагаш районунун башчысы Мухит Отаршиев билдирди.
Анын айтымында, ушу тапта Казакстандын аймагында дагы 900дөн ашык мигрант калууда. Ошол эле маалда өзбекстандык мигранттардын чек арага агымы дале токтой элек.
8-июлда аймактын бийлиги өткөрмө бекеттин алдына топтолгон мигранттардын саны үч миңден ашканын билдирген. Алардын көбү Казакстандын аймагында иштеп жүргөн өзбек жана тажик жарандары экени кабарланган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ