Дүйнөлүк саламаттыкты сактоо уюму Кыргызстандын Саламаттыкты сактоо министрлигине жеке коргонуу каражаттарды берди. Бул тууралуу аталган башкармалыктын басма сөз борборунан билдиришти.
Маалыматка ылайык, 46,200 коргонуучу калкан, 14,600 көз айнек, 57000 халат, 150,000 KN95 респиратору өткөрүлүп берилди. Гуманитардык жардамдын жалпы баасы 508 миң 78 долларды түзөт.
Саламаттыкты сактоо министрлиги белгилегендей, жеке коргонуучу каражаттар медициналык кызматкерлердин коопсуздугун жана натыйжалуу иштөөсүн камсыз кылат. Коргонуучу каражаттар өкмөттүн өтүнмөсү боюнча берилген.
Буга чейин ДССУ Кыргызстанга жеке коргонуу каражаттарын, ПЦР-тесттерди, үлгүлөрдү чогултууга жана тест алуу үчүн лабораториялык чыгым материалдарын (пробиркалар, тампондор, топтомдорду, реагенттерди ж.б.) өткөрүп берген.
Ведомстводон билдиргендей, уюм лабораторияларды, баштапкы саламаттыкты сактоо уюмдарын, ооруканаларды жана коомдук саламаттыкты сактоо адистерин камтыган медициналык кызматкерлер үчүн он-лайн тренингдерди өткөрөт.
КОММЕНТАРИЙ КАЛТЫРУУ