Эл аралык миграция уюму казак-өзбек чек арасында топтолгон 200дөн ашуун тажикстандык жаранды мекенине кайтарууга көмөк көрсөткөнүн билдирди.
«Жибек жоли» чек ара көзөмөл-өткөрмө бекетинде топтолгон мигранттарды алып кетүү боюнча тажик өкмөтү сүйлөшүүлөрдү жүргүзгөн. Каржылай көмөктү Норвегия өкмөтү көрсөткөн. Эл аралык миграция уюму коронавирус пандемиясы башталгандан бери 1800 жаранды Тажикстанга жеткирүүгө жардам бергенин белгилеген.
Казак-өзбек чек арасында топтолгон мигранттардын арасында балдар, аялдар жана студенттер да болгон.
Уюм көптөгөн өлкө өкмөттөрүнүн пандемия маалында мигранттарга карата көргөн чараларына оң баасын берип, коомдук саламаттык стандарттарын сактоо менен аларды мекенине кайтаруу жолдорун издөөгө чакырды.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ