Бүгүн, 9-сентябрда Бишкектин Биринчи май райондук соту мурдагы вице-премьер-министр Дүйшөнбек Зилалиевдин ишин кароону улантты.
Отурумдун башында бул иш боюнча бир күбө суралды. Сот отуруму түштөн кийин уланмак, бирок адвокаттар катышкан жок.
Сот отуруму адвокаттардын келбей калгандыгына байланыштуу жылдырылды.
Маалыматка ылайык, айыпталуучунун соттук отуруму 11, 15 жана 16-сентябрга жылдырылган.
Эске сала кетсек, 2010-2017-жылдары Дүйшөнбек Зилалиевге Башкы прокуратура Кылмыш-жаза кодексинин 308-10-беренеси («Мыйзамсыз баюу») боюнча кылмыш ишин козгогон. Ошонун негизинде, 2018-жылдын 8-декабрында УКМК тарабынан камакка алынган. Быйыл, августта тоо-кен тармагында лицензия берүү боюнча «Коррупция» беренеси менен жаңы иш козголгон. Мындай айыптарды четке кагып келет. Анын адвокатынын айтымында, “Зилалиев мыйзамсыз байыган” деген айып негизсиз, себеби ал кызматтан түшкөндөн кийин байыган экен.
КОММЕНТАРИЙ КАЛТЫРУУ