Мурдагы модель Дональд Трампты жыныстык зомбулукка айыптады

Дорристин айтымында, окуя 1997-жылы Нью-Йоркто өткөн АКШнын теннис боюнча ачык чемпионатында болгон. Ал жерде ошол кезде ишкерлик кылган Трамп менен жолугуп, иш-чарадан кийин ал аны кучактап, ыдык көрсөткөн.

Өз кезегинде президенттин адвокаттары бул дооматты четке кагышты. Алар мурунку моделдин айыптоосу президенттик шайлоонун алдында чыгып жатканын белгилеп, анда саясий негиз болушу мүмкүн деп эсептешүүдө.

Доррис президент Трампты жыныстык ыдык көрсөтүүгө айыптагандардын алгачкысы эмес. Мурдагы президенттик шайлоодо Трамптын каалаган аялды кармалай аларын айтып мактанганы жазылган аудио тасма чыгып кеткен. Трамп ал сөздөрү үчүн кечирим сураган.

Булак: “Борбор Азия жаңылыктар кызматы”