Сурхандарыя облусунда эки жаштагы баласын сатууга аракет кылган кишин кармады.
Жергиликтүү басылмалар кабарлагандай, райондук ички иштер башкармалыгына Байсун районунун жашоочусу кайрылган. Ал 28 жаштагы Пулат Чориев аттуу киши эки жаштагы уулун 50 миллион сумга (4,8 миң АКШ доллары) сатууну каалап жатканын айткан.
Ошол эле күнү атайын операция жүрүп, Термез шаарындагы ресторандардын биринен жашы жете элек баласы үчүн 2500 доллар акча алып жаткан киши кармалган.
Чориевге карата кылмыш иши козголду. Буга чейин Өзбекстанда укук коргоо органдары буга окшогон бир нече окуянын алдын алган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ