Баткен облусунун Баткен районунун Дара айыл өкмөтүнө караштуу Табылгы жана Кайынды айылындагы мечиттерде дезинфекциялоо иши жүргүзүлдү. Бул тууралуу Баткен районунун баш имам хатиби Муса ажы Жолдош билдиргенин бүгүн, 19-октябрда Кыргызстан мусулмандар дин башкармалыгынын басма сөз кызматы билдирди.
«Акыркы күндөрү таажы илдетти күч алып жатат. Ооруну дарылагандан көрө алдын алган жакшы. Илдеттин жайылуусуна жол бербөө максатында Кыргызстан мусулмандарынын Дин Башкармалыгы, Баткен облустук казыятынын тапшырмасына ылайык айылдарда дезинфекциялоо иштери жүргүзүлүп, коомчулукка санитардык талаптарды сактоо эрежелери түшүндүрүлүп жатат»,-деди Муса ажы Жолдошов.
Эскерте кетсек, Республикалык штабдын берген маалыматына ылайык, Баткен облусунда COVID-19 илдети менен катталган жаңы учурлар көп катталууда. Бүгүн, 19-октябрга карата аталган облуста 107 бейтап вирус жуктурган.
КОММЕНТАРИЙ КАЛТЫРУУ