Садыр Жапаров Коопсуздук кеңешинин экс-башчысынын Райымбек Матраимовдун кармалышы шоу болуп саналат деген билдирүүсүнө жооп берди. Бул тууралуу ал “Ала-Тоо 24” программасында айтып берди.
Анын айтымында, Кеңешбек Дүйшебаев 30-40 жылдан бери күч түзүмдөрүндө иштеп келген. «Анын генерал даражасы бар. Ушул убакыт аралыгында ал кармалган кылмышкерлер мамлекеттик бюджетке тыйын да кошконбу? Алардын кармалышы шоу жана спектакль болсо дагы. Алар мамлекетке жок дегенде кандайдыр бир пайда алып келиштиби? Алгач андан сураңыз деп кеңеш берет элем», – деди Садыр Жапаров.
“Мен Матраимовду камап, 2 млрд сом өндүрдүм, Кеңешбек Дүйшөбаев 30 жыл милицияда иштеп, кимди камап, 1 тыйын өндүрдү? Ушуну сурап көгүлөчү андан”, – деди Садыр Жапаров.
Ал кошумчалагандай, Коопсуздук кеңешинин мурунку башчысы 2010-жылы болгон окуялар үчүн жооптуу болушу керек.
«Биринчиден, Кеңешбек Дүйшебаев пенсия курагындагы адам. Экинчиден, анын Коопсуздук Кеңешинин башчысы болууга моралдык укугу жок. Ошондуктан, мен аны кызматтан алып салдым. Ал 2010-жылдагы апрель жана июнь окуялары боюнча жооп бериши керек. Ошол учурда ал Коопсуздук Кеңешинин башында турган. Бул иликтенет”, – деди Жапаров.
КОММЕНТАРИЙ КАЛТЫРУУ