Эртең, 12-ноябрда президенттин милдетин аткаруучу, премьер-министр Садыр Жапаров маалымат жыйынын өткөрөт. Бул тууралуу президенттин администрациясынын маалыматтык саясат бөлүмүнүн башчысы Нургазы Анаркулов билдирди.
Анын айтымында, маалымат жыйынынын жүрүшүндө Садыр Жапаров социалдык-экономикалык, коомдук-саясий жана башка темалардагы коомчулуктун бардык курч суроолоруна жооп берет.
Ал кошумчалагандай, маалымат жыйынынын берүүсү Коомдук телерадиоберүү корпорациясынын эфиринде көрсөтүлөт.
Ошондой эле, суроолор чектелбейт жана каалаган темага байланыштуу болушу мүмкүн.
КОММЕНТАРИЙ КАЛТЫРУУ