“2010-жылдан бери Текебаевдин конституциясына альтернатива катары сунушталып келе жаткан конституциянын долбоорун, мен айткан сунуштарды эске алып, парламентке киргизгенбиз. Анткени, мыйзам жазуу же демилгелөө укугу 3 гана субъектиге берилген: өкмөткө, депутаттарга жана 10 миң шайлоочуга. Ошон үчүн Жогорку Кеңешке берип, анда дагы 80ден кем эмес депутаттын демилгеси менен кирет деп мыйзам менен көрсөтүлүп калган. Муну алар демилгелеп жатат, алар мыйзамдын автору эмес. Кол койгон депутаттар өздөрү да түшүнбөй калды. Текебаев кыйкырып чыкса эле коркуп кетишти дагы “туура эмес кирип жаткан окшойт” деп, колдорун чакыртып алган 4-5 депутат болду. Бирок кеп анда эмес, “чимкириктер карайбы?”, “парламенттин мөөнөтү өтүп кеткен” деп дагы жазып чыгышпадыбы. Муну өкмөттүк эмес уюмдар, түшүнүп-түшүнбөгөндөр жазып жатат. Ошондон кийин биз кеңештик дагы, Конституциялык кеңешме түзүлсүн дагы, ошолор карасын дедик. Мына бүгүн ар тармактын өкүлдөрүнөн турган 90дон ашык адам талкуулап жатат. Ошол эле Текебаев, Отунбаева көчөдө кыйкырып жүрө бербей Конституциялык кеңешмеге барып сунуштарын бере алат. Илимдер академиясында күнүгө талкуу жүрүп жатат”, – деп билдирди КР Президенттигине талапкер Садыр Жапаров түндө жергиликтүү телеканалдарга берген маегинде.
Menu
КОММЕНТАРИЙ КАЛТЫРУУ