Панфилов районунда милиция кызматкерлери жол кырсыгы болгон жерден качып кеткен айдоочуну кармашты. Бул тууралуу бүгүн, 26-ноябрда Чүй облусунун Ички иштер башкы башкармалыгынын басма сөз кызматы билдирди.
Маалыматка ылайык, 16-ноябрда Панфилов районунун ички иштер органдарына жергиликтүү тургун белгисиз адамга чара көрүү өтүнүчү менен кайрылган. Анда анын 44 жаштагы агасын Чалдовар айылынын көчөлөрүнүн биринде айдоочу сүзүп, андан кийин белгисиз тарапка качып кеткени белгиленген.
Жол кырсыктын натыйжасында денесинен алган жаракаттан жабырлануучу аймактык ооруканада эсине келбей каза болгон.
Милиция кызматкерлери ыкчам-издөө иш-чараларынын жүрүшүндө, жол кырсыгына шектүү делип, эки күндөн кийин айдоочуну аныктап, кармашты. Айдап бара жаткан 1976-жылы туулган Т.Э. аттуу жаран болуп чыкты.
Бул факт КРнын Кылмыштардын жана жоруктардын бирдиктүү реестрине катталды. Учурда бардык керектүү экспертизалар дайындалып, унаа айып жайга киргизилди.
КОММЕНТАРИЙ КАЛТЫРУУ