Улуттук банк сомду колдоо максатында дагы 21,15 миллион долларды сатты

Кыргызстандын Улуттук банкы масштабдуу интервенция жүргүздү. Бул тууралуу Улуттук банктын сайтында кабарланды.

Маалыматка ылайык, бир күн мурун Улуттук банк валюта интервенциясын жүргүзүп, 21,15 миллион долларды саткан.

Буга чейин, 1-декабрда Улуттук банк 5,25 миллион долларды, 7-декабрда 10,3 миллион долларды саткан болчу. Жыл башынан бери бул 30 интервенция. Жалпысынан 459,4 миллион долларга интервенциялар жасалды.

Учурда расмий курс төмөнкүдөй (сатып алуу / сатуу):

доллар – 84,80/84,80;

евро – 102,91/102,50.

Доллардын курсу 10-декабрга салыштырмалуу өзгөргөн жок, евро 0,4% төмөндөдү.