Кыргызстанда кезексиз президенттик шайлоого жана 2021-жылдын 10-январына белгиленген референдумга катыша ала турган 3 миллион 552 миң 582 шайлоочу бар. Бул тууралуу БШКнын башчысы Нуржан Шайлдабекова тегерек столдо билдирди.
Анын айтымында, бул 14-декабрга карата текшерүү баракчасынын маалыматтары.
Нуржан Шайлдабекова тизмеге өзгөртүүлөрдү 29-декабрга чейин киргизүүгө болорун тактады. Бул шайлоодо № 2 форма болбой тургандыгын, анын жоктугунан шайлоочулардын саны азайгандыгын белгиледи. Эң көп шайлоочулардын саны Ош облусунда – 726 миң 311 адам.
Добуш берүүгө катыша турган чет өлкөлөрдө 35 575 адам каттоодо турат. Ошондой эле, Шайлдабекованын айтымында № 2 форма чет өлкөлөрдө колдонулат.
Белгилей кетсек, бүгүн, 15-декабрда үгүт өнөктүгү башталды. Президенттик шайлоо 2021-жылдын 10-январында өтөт.
КОММЕНТАРИЙ КАЛТЫРУУ