Сурхандарыя облусунун Шерабад районундагы мечиттин катчысы бычак жеп каза болду. Бул маалыматты Өзбекстандын Башкы прокуратурасынын Коомчулук менен байланыш жана укуктук маалыматтар башкармалыгынын жетекчиси Хаёт Шамсутдинов ырастады.
Маалыматка караганда, 22-декабрь күнү М.Ш. аттуу 46 жаштагы жаран мечиттин катчысы менен уруша кетип, үйүнөн ала келген бычак менен сайып жиберген. Жарадар болгон мечиттин кызматкери ооруканага бараткан жолдо көз жумган.
Кылмыш фактысы боюнча М.Ш. аттуу жаранга «Атайылап адам өлтүрүү» беренеси менен кылмыш иши козголду.
Шектүү камакка алынып, тергөө иштери жүрүүдө.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ