Menu

Вице-мэр Айжан Чыныбаева мектеп жана бала бакчаларды текшерүүдө

Бөлүшүү:

Вице-мэр Айжан Чыныбаева мектеп жана бала бакчаларды текшерүүдө. Бул тууралуу Бишкек мэриясынын басма сөз кызматы билдирет.

Бишкек шаарынын мэриясы билим берүү процессин офлайн режиминде жандандыра баштайт. 18-январдан тартып мектепке 1, 5, 9 жана 11-класстардын окуучулары бара башташат. Ал эми бала бакчалар болжол менен 1-февралдан тартып ишин жандандырат.

Учурда биз билим берүү уюмдарын ишке киргизүүгө даярдап жатабыз.

Бүгүн, социалдык иштер боюнча вице-мэр Айжан Чыныбаева менен биргеликте мектептердин жана бала бакчалардын балдарды кабыл алууга даярдыгын, санитардык-эпидемиологиялык эрежелердин сакталышын, оңдоо иштеринин аякташын текшердик.

Текшерүү №4, №47 мектептеринде жана №4, №134 бала бакчаларында жүргүзүлдү.

Огонбаев көчөсү, 207 дарегиндеги №4 мектепте окуучуларды кабыл алууга даярдыктар жигердүү жүрүп жатат. Бул жерде, 2020-жылдын  планына ылайык, имараттын жуунучу бөлмөлөрү жана ички жылуулук тармактары капиталдык оңдоодон өткөрүлдү.

Мектепте санитардык эрежелерди сактоого шарттар түзүлгөн, кирүү чыпкалары уюштурулган. Окуучулар шахмат түрүндө отургузулуп, сабактар эки топко бөлүнөт. Тыныгуу учурунда класстар желдетилип, дезинфекцияланат.

Целинной көчөсү, 16 дарегинде жайгашкан №47 мектептин окуу класстары дагы текшерилди. Мектептин дааратканасын оңдоо иштери да аяктап, балдарды кабыл алууга  даярдыктар көрүлүүдө.

Биринчи май районунун №4 бала бакчасында вице-мэр А.Чыныбаева дааратканаларды жана тышкы канализация тармагын оңдоону өз көзөмөлүнө алып, балдарды, тарбиячыларды жана бала багуучуларды коргоо алгоритминин сакталышын текшерди. Бала бакча ишин улантууга даяр экендигин, дезинфекциялоочу каражаттар жана жеке коргонуу каражаттары сатылып алынгандыгын белгилей кетүү керек.

№4 кичи районундагы №134 атайын бала бакчасы да катуу текшерүүдөн өткөн. Эскерте кетсек, аталган бала бакча санитардык эрежелерди сактоо менен иштеп жатат.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha + 51 = 60

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: