Сурхандарыялык блогер Отабек Саттори
Өзбекстандын Сурхандарыя облусунда жергиликтүү бийлик органдарын сындап жүргөн блогер Отабек Саттори кармалды.
1-февралда өлкөнүн Ички иштер министрлигинин тергөө департаменти ага «Опузалап акча талап кылуу» беренеси боюнча айып такты.
Блогердин эжеси Фарангиз Алимованын айтымында, инисин 29-январь күнү штаттык кийимчен укук коргоо органдарынын кызматкерлери үйүнөн кармап кетишкен. Ал белгисиз адамдардан опузалап акча жана телефон талап кылган деп айыпталууда. Алимова блогердин жакындары бул ишти ойдон чыгарылган деп эсептеп жатышканын кошумчалады.
1-февралда Термез шаарындагы сот Сатторини тергөө абагына камакка алуу чечимин чыгарган.
Telegram жана YouTube каналдары аркылуу «Эл пикири» деген видеоблог алып барган 40 жаштагы блогер буга чейин облус губернатору Туру Боболовду кескин сындап келген. Ал жакында жарыяланган видеолорунун биринде жергиликтүү бийликти блогерлерге каршы ойдон чыгарылган кылмыш иштерин козгоп жатканы үчүн сындап, «респрессияларга карабастан» кызмат адамдарынын арасындагы коррупция маселесин көтөрө бере турганын убадалаган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ