КР УКМКнын төрагасы Камчыбек Ташиевдин жүрөгүнө Германияда жасалган операция өтө оор жүрүп, 10,5 сааттан кийин эсине келген. Бул тууралу Камчыбек Ташиевдин пресс-катчысы катары таанымал журналист Өткүрбек Рахманов өзүнүн Facebook социалдык тармагындагы баракчасында билдирди.
“Урматтуу мекендештер, Камчыбек Ташиев агабызга жасалган бүгүнкү хирургиялык операция өтө оор жүрдү. Операцияга Берлин убактысы боюнча саат 8:00дө кирип, саат 18:30да гана өзүнө келди. (Бишкек убактысы боюнча13:00дөн 23:30га чейин). Операция 3 саатка созулган”, – деп жазат Рахманов.
“”Эли журтума өтө ыраазымын. Менин өмүрүмдү АЛЛАХым жана элимдин дубасы сактап калды. Экинчи ирет туулдум окшойт. Эмки жашоо мага элимден белек. Демек, мен да элиме татыктуу кызматым менен, элиме кылган эмгегим менен жооп беремин!”, деп билдирди Камчыбек Ташиев” , – дейт журналист.
Жараткан шыпаа берсин!