Жакында казакстандыктарды Караганды фармацевтикалык комплексинде өндүрүлгөн орусиялык «Спутник V» вакцинасы менен эмдөө башталат. Бул тууралуу өлкөнү дары-дармек менен камсыздаган «СК-Фармация» дистрибьютору кабарлады.
Маалыматка караганда, 23-февралда заводго иш сапар менен өлкөнүн премьер-министри Ералы Тугжанов келет. Иш-чаранын алкагында комплекстен вакциналарды жүктөө формалдуу түрдө старт алат.
Эртең 90 миң доза жүктөлүп, Нур-Султан, Алматы, Чымкент жана Актөбө шаарларына жеткирилет. Ал жерлерден «СК-Фармация» вакциналарды аймактарга таркатып берет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ