2-мартта Өзбекстан Ооганстандан 24 жаранын алып келди. Алардын 19у эрезеге жете элек өспүрүмдөр.
Жергиликтүү басылмалардын маалыматына караганда, ооган тарап өзбек жарандарын Сурхандарыя облусун Ооганстан менен байланыштырып турган Хайратон көпүрөсү аркылуу өткөрүп берди.
2017-жылдан 2020-жылга чейин ооган атайын кызматтары менен кызматташтыктын негизинде Өзбекстан 86 жаранын кайтарган. Алардын баары мыйзамсыз куралдуу топтордун катарында жүрүшкөн.
2020-жылы декабрда Ташкент Сириядагы куралдуу кагылыштар болуп жаткан аймактардан 98 өзбекстандыкты алып келген. Алардын 25и аял, 73ү бала болгон.
2019-жылы октябрда Сирияда ата-энесиз калган 64 бала Өзбекстанга алып келинген. Ошол эле жылы май айында аялдар жана балдардан турган 156 өзбекстандык мекенине кайтарылган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ