Бүгүн, 5-майда Ош ОИИБдин 8 милициянын көчмө кабылдамасы Баткен облусунун Лейлек жана Баткен райондорунда жергиликтүү элдерге жеринде
үй-бүлөлүк зордук-зомбулуктун, мал уурулуктун алдын алуу, болтурбоо максатында элдер менен жолугуп, алардын көйгөйлөрүн чечүү максатында иш-чараларды алып барышты. Бул тууралуу Ош ОИИБдин басма сөз кызматы билдирди.
Иш-чаранын жүрүшүндө жергиликтүү элдер негизги көйгөйлөрүн айтышып, тез арада чечип берүүлөрүн суранышкан. Жолугушуу учурунда жергиликтүү элдер тарабынан айтылган көйгөйлөр төмөнкүлөр:
1) Чек ара тилкесинде тез арада зымдарды тартып, кошуна мамлекет менен биротоло жерлерди чечип берүү;
2) Күйүп кеткен үйлөрдүн аба-ырайы кескин өзгөргөнгө чейинки тез арада оңдоп-түзөп үйлөрдү бүтүрүп берүү;
3) Мамлекет тарабынан бөлүнүп жаткан акчаларды бир фондко түшүрсө, ошол фонддон алып керектүү жерлерге иштетсек;
4) Электр жарыктарын жана таза суунун көйгөйлөрүн жакынкы аралыкта чечип берүү.
Тургундардын айтылып өткөн көйгөйлөрү боюнча каттар тиешелүү органдарга жиберилди.
КОММЕНТАРИЙ КАЛТЫРУУ