Видео – Садыр Жапаров: “Комиссия Кумтөргө $5 млрд зыян келтирилген деп эсептесе, Темир Сариев “жоок, 152 млн эле” деп азайтып салды, биз бул ишти аягына чыгарабыз, бул жөн калбаш керек”

“Кумтөр боюнча, бүтүндөй республика баарын билди, Кумтөрдө эмне болуп жатканын, эгер биз камалып калбаганда эл мынчалык билмек эмес экен”, – деп билдирген 2014-жылы сотто Садыр Жапаров.

“Булар (2012-жылы Садыр Жапаров жетектеген комиссиянын эксперттери – ред. КТ) 5 млрд доллар чыгым болгон деп эсептеп чыгышты. Булар 5 млрд доллар деп айтышса, Темир Сариев (2013-жылы КР Финансы министри, С.Жапаровдун комиссиясына каршы түзүлгөн бийликтин комиссиясынын төрагасы – ред. КТ) “Жоок, андай болбойт, аны төлөй алышпайт да” деп жатат. Мына, интервьюсу турат (гезитти көрсөтүп). “Аны төлөй алышпайт да” деп туруп, 152 млн штраф салып, деңиздин тамчысындай гана нерсени салып жатат да. Буга, 5 млрд долларга ким жооп берет? Бүгүн 5 млрд долларга чыгым болсок, 5-10 жылдан кийин 10-20 млрд долларга чыгып калат. Ал үчүн ким жооп бериш керек? Кудайдын буйругу бир күнгө жазылып турат, ошол күнү камактан чыгабыз, ушул жерде олтургандар башыбыз аман чыкса ушул ишти аягына чыгарабыз (гезитти көрсөтүп – ред.), бул бойдон калтырбайбыз. Бул жөн калбаш керек. Кыргыз эли, жалпы журт билип коюш керек ушуну. Мамлекет 47 млн сом коротушту (Темир Сариевдин комиссиясына берилген акча), а мен бюджеттен 1 тыйын алган эмесмин. Эмне үчүн прокурорлор бизди күнөөлөйсүңөр дагы, мындай фактыларды силер күнөөлөп чыкпайсыңар? Бул силердин милдетиңер да түздөн-түз! Бул мыйзамдын талабы, менин талабым эмес!”- деген Садыр Жапаров.

Булак: Kyrgyztoday.kg