Аламүдүндө чет элдик аялдын $5750 алдап кеткен Ысык-Көлдүн 38 жаштагы жашоочусу Т.Ч. “Лола” алдамчылыкка шектелип, кармалды

Аламүдүн районунун ИИБнө коңшу өлкөлөрдүн биринин жараны 46 жаштагы Ю.Р. аттуу аял арыз менен кайрылып, чала тааныш аял киши анын ишенимине кирип, зер буюмдарды жеткирип берүү үчүн алдоо жолу менен арыз ээсинин 5750 АКШ долларын алып, ошол боюнча из жашырып жүргөнүн билдирип, ага карата мыйзам чегинде чара көрүп берүүнү суранган.
2021-жылдын май айында “Лола” аттуу аял өзүн зер бумдарды жеткирүү боюнча менеджер катары тааныштырып, зер буюмдар үчүн бажы тариздөөлөргө жана башка төлөмдөргө керектөө үчүн алгач 2500 кийин 3250 доллар которткон. Жыйынтыгында алдамчылыктын курмандыгы болуп, милицияга арыз менен кайрылганын билдирген.
Бул окуя кылмыштардын жана жоруктардын бирдиктүү реестрине Кыргыз Республикасынын Жазык кодексинин 204-беренеси (Алдамчылык) боюнча катталып, сотко чейинки өндүрүш иштери башталган.
Чүй облусунун ИИББнын жана Аламүдүн РИИБдүн криминалдык милиция кызматкерлери тарабынан бир катар ыкчам тергөө иш-амалдары жүргүзүлүп, жогорудагы алдамчылыкка шектелип Ысык-Көл облусунун 38 жаштагы жашоочусу Т.Ч. аттуу аял кармалган.
Териштирүү учурнда жогорудагы аял алган акча каражатын өзүнүн керектөөлөрүнө иштетип жибергени маалым болгон.
Кармалган аял үй камагына алынып, сотко чейинки өндүрүш иштери жүргүзүлүүдө.
Эгерде кимде-ким жогорудагы аялдын аркетинен жабыркагандар болсо төмөндөгү телефон номерлерине кайрылсаңыздар болот.
Аламүдүн РИИБдүн нөөмөт бөлүгү 0(312) 36-35-27, 0(704) 98-08-08