Menu

Мамлекеттик бажы кызматында «Ачык маалыматтар» модулу иштей баштады

Бөлүшүү:

Кыргыз Республикасынын Финансы министрлигине караштуу Мамлекеттик бажы кызматы мекеменин расмий сайтында жайгаштырылган «Ачык маалыматтар» модулун иштеп чыкты.

Азыркы учурда «Ачык маалыматтар» модулу тышкы соода жүгүртүүнүн статистикалык көрсөткүчтөрү боюнча салмактык жана нарктык мааниде, негизги импорттоочу жана экспорттоочу өлкөлөр боюнча маалыматтарды камтыйт.

Ошону менен бирге, Мамлекеттик бажы кызматы «Ачык маалыматтар» модулун өркүндөтүү Мамлекеттик бажы кызматынын артыкчылыктуу багыттарынын бири экенин, буга байланыштуу жогоруда аталган модулду калк үчүн актуалдуу жана социалдык маанилүү маалыматтар менен толуктоо боюнча иш туруктуу негизде жүргүзүлөөрүн белгиледи. 

«Ачык маалыматтар» модулун түзүүнүн максаты калкты социалдык маанилүү маалымат менен камсыз кылуу, тышкы экономикалык ишмердүүлүктүн катышуучуларын экспортко жана импортко тиешелүү талдоо жүргүзүү үчүн зарыл болгон актуалдуу маалыматтар менен өз убагында маалымдоо, ошондой эле Кыргыз Республикасынын бажы кызматынын ишинин ачык-айкындуулугунун деңгээлин жогорулатуу.

«Ачык маалыматтар» модулун киргизүү жана өркүндөтүү бизнести өнүктүрүүгө да багытталган. Ошентип, бизнес коомчулугу керектүү маалыматты онлайн режиминде ала алат, бул өз кезегинде башкаруучулук чечимдерди кабыл алуунун сапатына таасирин тийгизет.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

67 + = 71

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: