Кыргыз Республикасынын ИИМдин Башкы тергөө башкармалыгынын 2022-жылдын 16-августундагы токтому менен А.С.Бейшеналиевге карата Кыргыз Республикасынын Кылмыш-жаза кодексинин 41-б., 2-б., 336-б., 2-б.,№03-150-2022-000052 кылмыш иши анын аракетинде кылмыштын курамы жок болгондуктан кыскартылды. Бул тууралу анын адвокаты Кайсын Абакиров билдирди.
Тергөө ушундай тыянакка келгенин себеби, COVID-19 вакциналарын сатып алуу боюнча бардык чечимдер Кыргыз Республикасынын Жогорку Кеңеши менен макулдашуу менен Министрлер Кабинетинин бир катар токтомдорунун негизинде ошол кездеги өлкөдөгү курч эпидемиологиялык абалды эске алуу менен кабыл алынгандыгы, ошондой эле ички аудиттин материалдарына ылайык мамлекетке эч кандай материалдык зыян келтирилген эместиги жана бүгүнкү күндө республиканын калкы COVID-19га каршы вакциналар менен камсыздалгандыгы негиз болду.
Ошондой эле, Кыргыз Республикасында COVID-19 вакциналарына «Жеткиликтүү жана адилеттүү камсыз кылууга багытталган “COVID-19 өзгөчө кырдаалдар долбоорун кошумча каржылоо» долбоорунун алкагында 2021-жылы Кыргыз Республикасынын Өкмөтү тарабынан жумшалган чыгымдар Дүйнөлүк банк тарабынан 13 454 000 (он үч миллион төрт жүз элүү төрт миң) АКШ доллары өлчөмүндө орду толтурулган.
Ошентип, Бейшеналиев А.С. Кыргыз Республикасынын саламаттык сактоо министри кызматына келүүгө толук укуктуу.
Теги: Алымкадыр Бейшеналиев
КОММЕНТАРИЙ КАЛТЫРУУ