КР ИИМдин Россиядагы Өкүлчүлүгү мекендештерди такталбаган маалыматтарды таркатпоого жана чагымчылдыкка алдырбоого чакырат

Кыргыз Республикасынын Ички иштер министрлигинин Россия Федерациясындагы Өкүлчүлүгү Россия Федерациясынын аймагында эмгек ишмердүүлүгүн жүргүзүү максатында жүргөн мекендештерди мессенжерде жана социалдык тармактарда, такталбаган жалган маалыматтарды таратпоого, анын ичинде улуттук маселелерди козгобоого чакырып жана кылмыш-жаза жоопкерчилигин эскерте кетет.
Убактылуу иштеп жүргөн мекендештер келген өлкөнүн мыйзамдарын, адеп-ахлактык жүрүм-турум эрежелерин сактоо зарыл. Коомчулукка терс баа берген укук бузуулар же башка аракеттер акыр аягында биздин өлкөнүн, Кыргызстандын аброюна терс таасирин тийгизет.
Кыргыз-тажик чек арасындагы соңку окуяларга байланыштуу КР ИИМдин Россия Федерациясындагы Өкүлчүлүгү мекендештерди сабырдуулукка, кырдаалды курчутуу максатын көздөгөн чагымчылдарга жана чыр-чатак фактыларын колдонуучу маалыматтык айла-амалдарга, ар кандай шыкактоолорго жана провокацияларга алдырбоого чакырат.