Menu

Депутаттар балдарды зордуктагандарга өлүм жазасын киргизүүнү демилгелишти

Бөлүшүү:

Жогорку Кеңештин депутаттар тобу балдардын жыныстык кол тийбестигине каршы кылмыш үчүн өлүм жазасын караган мыйзам долбоорун демилгелешти.

Тиешелүү документ парламенттин сайтында жарыяланды жана коомдук талкууга чыгарылды.

Мыйзам долбоорунун маалымкат-негиздемесинде балдарга зомбулук көрсөтүүгө байланышкан оор кылмыштар көбөйүп баратканы белгиленген. Документтин демилгечилери көптөгөн жарандар депутаттардан жашы жете электерге зомбулук көрсөткөндөргө катаал чара көрүүнү көп жолу сурашканын айтышкан.

“Балдардын жыныстык кол тийбестигине каршы кылмыштардын күндөн күнгө өсүп баратканын, балдардын жана алардын үй-бүлөлөрүнүн тагдыры талкалап, өмүрлөрү кыйылып жатканын көңүлгө алуу менен ушул Мыйзам долбоорунда Кыргыз Республикасынын Конституциясында өзгөчө жаза чарасы катары – өлүм жазасын кароо сунуш кылынат”, – деп белгиленген документте.

Өлүм жазасын киргизүү боюнча мыйзам долбоорун 60тан ашуун депутат демилгелеген. Арасында Мирлан Самыйкожо, Надира Нарматова, Балбак Түлөбаев, Тазабек Икрамов, Шаирбек Ташиев, Искендер Матраимов жана башкалар бар.

Ички иштер министринин орун басары 2022-жылдын алгачкы 7 айында балдарды зордуктоо фактысы боюнча 39 кылмыш иши тергелип жатканын айткан.

Улуттук Статистика комитетинин маалыматына караганда, 2021-жылы балдарга карата жасалган 3034 кылмыш фактысы катталган, 500дөй иш сексуалдык зомбулук менен байланышта болгон.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

8 + 1 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: