Опузалап талап кылууга шектелген жаран Бишкекте жашырынып жүргөн жеринен кармалды.
ИИМдин Кылмыш иликтөө башкы башкармалыгынын Үчүнчү башкармалыгынын ыкчам кызматкерлери опузалап талап кылууга шектүү катары издөөдө жүргөн жаранды кармашты.
Кылмыш иши 2019-жылы Кылмыш-жаза кодексинин 203-беренесинин 2-бөлүмү (опузалап талап кылуу) “эски кодекс” менен козголгон.
Милицияга Араван районунун жашоочусу кайрылып, ага карата жасалган кылмыш иши боюнча тиешелүү чараларды көрүп берүүлөрүн суранган. Тергөөдө аныкталгандай, 2019-жылдын күз айында белгисиз адамдар айылдашын сабап, физикалык күч колдонушуп, “Мерседес Бенц” үлгүсүндөгү унаасын тартып алышкан.
Бул факты боюнча күнөлүүлөрдү аныктоого жана жоопкерчиликке тартууга багытталган ыкчам тергөө иш-чаралары жүргүзүлгөн. Кылмыш ишине тиешеси бир нече жарандар кармалып, укукка каршы аракет үчүн жоопкерчиликке тартылышкан.
Шектүүлөрдүн бири ошол учурда изин жашырып кетүүгө үлгүргөндүктөн, ал 2020-жылы издөөгө алынган. Ыкчам иликтөө иш-чараларынын жүрүшүндө ИИМдин Кылмыш иликтөө башкы башкармалыгынын Үчүнчү башкармалыгынын кызматкерлери Бишкек шаарынын аймагынан Ош облусунун тургуну 1993-жылы туулган А.уулуС. кармашты. Ал мурда бир нече жолу соттолгон. Кармалган жаран Араван РИИБге жеткирилди. Учурда тергөө амалдарын жүргүзүлүп жатат.
Теги: Рэкет
КОММЕНТАРИЙ КАЛТЫРУУ