Menu

ДҮЙНӨ ЖҮЗҮНДӨ

ДҮЙНӨ ЖҮЗҮНДӨ, КООМ, ЭКОНОМИКА - 01.03.2017

Тарых илимдеринин доктору, Кыргызстандык профессор Анварбек Мокеевге ЭКУ сыйлыгы ыйгарылды

Пакистан Ислам Республикасынын Исламабад шаарында Экономикалык кызматташтык уюмунун 13-Саммитинин алкагында бүгүн, 1-мартта, ЭКУ номинанттарына ЭКУ сыйлыгын тапшыруу салтанаты өттү. Алардын бири тарых илимдеринин доктору, Кыргызстандык профессор,  Кыргыз-Түрк «Манас»  университетинин проректору Анварбек Мокеевге ыйгарылды. Бул туурасында Кыргыз Республикасынын Өкмөтүнүн аппаратынын маалыматтык камсыздоо бөлүмү кабарлады.

Сыйлык илим-изилдөө иштериндеги аймактык мүнөздөгү ЭКУ экономика, тарых, маданият, адабият жана искусство, илим жана технология, билим берүү, айыл чарбасы жана айлана чөйрө жаатындагы жетишкендиктерге берилет. Ар бир мамлекет ЭКУ катчылыгына жогорудагы ар бир тармак боюнча 5 талапкерди көрсөтө алат.

Анварбек Мокеевге сыйлык илим жана технология тармагындагы илимий-изилдөө иштериндеги жетишкендиктери үчүн ыйгарылды.

Белгилей кетсек, ЭКУ сыйлыгы ЭКУ мамлекет жана Өкмөт башчыларынын жолугушуусунун жүрүшүндө берилет.

Эске салсак, бүгүн, 1-мартта, Пакистан Ислам Республикасынын Исламабад шаарында  Экономикалык кызматташтык уюмунун 13-Саммитти  катышуучу он өлкөнүн Иран, Пакистан, Түркия,  Кыргызстан, Казакстан, Азербайжан, Афганистан, Тажикистан, Түркмөнстан жана Өзбекстандын катышуусунда өттү.

0 комментариялар
Кененирээк
БАШКАЛАР, ДҮЙНӨ ЖҮЗҮНДӨ, САЯСАТ - 24.02.2017

Депутат иш учурунда үйүнө барып. төшөк кумарына батып келүү үчүн тыным берүүнү сунуштады

 

Швециялык депутат кызматкерлерге иш ортосунда үйүнө барып төшөк кумарына батып келүүсү үчүн бир сааттык тыным берүүнү сунуштады. Ал аталган тыныгууну акча төлөнө турган тыным болуусу керек деди. Бул туурасында: “Секстин пайдалуу экендигин окумуштуулар изилдеп чыгышкан. Бул алака жубайлар арасындагы мамилени жакшыртышы мүмкүн” – дейт Эвертурнео Пер-Эрик Мускос аймагындагы шаардык кеңешинин мүчөсү. Аталган сунушту алып чыккан депутаттын пикиринде, азыр аталган өлкөдөгү жубайлардын көбү жетишээрлик деңгээдде чогуу болбой келет. Ал сунушталган бул бир сааттык төшөк үчүн тынымды шведдер натыйжалуу пайдаланаарына ишенээрин айтты.

Булак: “Фабула”

0 комментариялар
Кененирээк
БАШКАЛАР, ДҮЙНӨ ЖҮЗҮНДӨ, САЯСАТ - 24.02.2017

Депутат иш учурунда үйүнө барып. төшөк кумарына батып келүү үчүн тыным берүүнү сунуштады

 

Швециялык депутат кызматкерлерге иш ортосунда үйүнө барып төшөк кумарына батып келүүсү үчүн бир сааттык тыным берүүнү сунуштады. Ал аталган тыныгууну акча төлөнө турган тыным болуусу керек деди. Бул туурасында: “Секстин пайдалуу экендигин окумуштуулар изилдеп чыгышкан. Бул алака жубайлар арасындагы мамилени жакшыртышы мүмкүн” – дейт Эвертурнео Пер-Эрик Мускос аймагындагы шаардык кеңешинин мүчөсү. Аталган сунушту алып чыккан депутаттын пикиринде, азыр аталган өлкөдөгү жубайлардын көбү жетишээрлик деңгээдде чогуу болбой келет. Ал сунушталган бул бир сааттык төшөк үчүн тынымды шведдер натыйжалуу пайдаланаарына ишенээрин айтты.

Булак: “Фабула”

0 комментариялар
Кененирээк
ДҮЙНӨ ЖҮЗҮНДӨ, САЯСАТ - 21.12.2016

АКШ Орусияга каршы санкциялык тизмесин кеңейтти

АКШ санкциялык тизмеге дагы 7 орус жаранын жана 30 компания менен 2 кемени киргизди.

Санкцияга илинген орус жарандарынын арасында президент Владимир Путиндин «жеке ашпозчусу» деп айтылып келген миллиардер, ресторатор Евгений Пригожин да бар.

Визалык жана каржы чектөөлөрүнө туш болгондордун катарына “Курулуш долбоору”, “Крым деңиз порттору”, “Крым темир жолу” компаниялары, ошондой эле «Маршал Жуков» жана «Сталинград» суюктук ташуу кемелери да кошулган.

АКШнын Каржы министрлигинин чет өлкөлүк активдерди көзөмөлдөө бөлүмүнүн башчысы Жон Смит санкциялар Украина жана аннексияланган Крымдагы абалдан улам кеңейтилгенин билдирди. Смиттин айтымында, Вашингтондун башкы максаты Крымдын оккупациясы үчүн Орусияны көбүрөөк төлөөгө аргасыз кылып басымды улантуу, ошондой эле Украинадагы зомбулук менен туруксуздукту колдогондордун ишмердүүлүгүнө тоскоолдуктарды жаратуу.

Булак: “Борбор Азия жаңылыктар кызматы”

0 комментариялар
Кененирээк
АРХИВДЕР, ДҮЙНӨ ЖҮЗҮНДӨ, САЯСАТ - 02.12.2016

Эрдоган: Түркиянын Сириядагы операциясы «конкреттүү адамдарга каршы багытталган эмес»

Бейшембиде Түркия президенти Режеп Эрдоган түрк куралдуу күчтөрүнүн Сириянын түндүгүндөгү операцияларынын максаты террорчул уюмдарга каршы күрөшүү экенин билдирди. Reuters маалымдагандай, Эрдоган операция «кайсыл бир өлкөгө же белгилүү бир адамдарга» багытталбагынын белгиледи.

Шейшембиде Эрдоган түрк армиясынын сириялык көтөрүлүшчүлөр менен бирге өткөрүп жаткан «Евфрат калканы» операциялары тууралуу айтып жатып, алардын бири Сирия президенти Башар Асаддын бийлигин кулата турганын билдирип, аны «каардуу диктатор» деп атаган.

Анын бул билдирүүсү Асадга аскердик колдоо көрсөтүп жаткан Москваны таңданткан. Орусия президентинин жардамчысы Юрий Ушаков лидерлер ортосудагы шаршемби күнкү телефондук сүйлөшүү маалында Эрдоган Путинге өз позициясын «түшүндүрүп бергенин» билдирген.

Азырынча түркиялык аскерлер Сириянын түндүгүндө өкмөттүк күчтөр менен кагылышууларга бара элек. Алар «Ислам мамлекети» экстремисттик тобуна жана күрттөрдүн отряддарына каршы күрөштө куралдуу көтөрүлүшчүлөргө колдоо көрсөтүүдө.

Булак: “Борбор Азия жаңылыктар кызматы”

0 комментариялар
Кененирээк
АРХИВДЕР, ДҮЙНӨ ЖҮЗҮНДӨ, САЯСАТ - 10.11.2016

АКШда Дональд Трамптын каршылаштары демонстрацияга чыгышты

АКШ президенти болуп  Дональд Трамп шайлангандан кийин шаршемби күнү кечинде өлкөнүн бир нече шаарларында ага каршы демонстрациялар болуп өттү.

Нью-Йорк, Чикаго, Лос-Анжелес, Филадельфия шаарында миңдеген адам нааразылык акциясына чыгышты. Алар Дональд Трамптын аялдарга карата орой мамилесине жана мыйзамсыз жүргөн мигранттарга каршы чабуулуна каршы экендиктерин билдиришти.

Нью-Йоркто каршылык маршы Дональд Трамптын шайлоо штабы жайгашкан Trump Tower имаратынын алдында болду. Чогулгандар кызыл желектерди көтөрүп жүрүштү. Акция “Трамп, жогол” сыяктуу орой кыйкыруулар менен коштолду. Вашингтондо демонстрация катышуучулары Акүйдүн жанында топтолушуп, андан соң бир нече күн мурун ачылган Трамптын жаңы имаратына барышты. Акция катышуучуларынын көбү жаңы президент Акүйгө келери менен токтоосуз мыйзамсыз жүргөн мигранттарды депортациялап баштайт деп кооптонушууда.

The Washington Post гезити белгилегендей, акциялар негизинен демократ талапкер Хиллари Клинтон көп добуш топтогон шаарларда өттү. Бул өлкөдөгү демографиялык ажырымды көрөтүп турат.

Бул демонстрациялар Демокартиялык партиянын талапкери Хиллари Клинтон менен АКШ президенти Барак Обама Трамптын жеңишин тааныганына карабай өттү.

Булак:  “Борбор Азия жаңылыктар кызматы”

0 комментариялар
Кененирээк
АРХИВДЕР, ДҮЙНӨ ЖҮЗҮНДӨ, КООМ - 13.10.2016

Новак: «Түрк агымынын» курулушу 2017-жылы башталат

Орусиянын энергетика министри Александр Новактын айтымында, Кара деңиз аркылуу «Түрк агымынын» курулушу кийинки жылы башталат.

Министр Стамбулга болгон сапары маалында курулуш иштерин баштоого зарыл болгон бардык нерселер колдоого алынганын билдирди. Ал долбоорду аяктоо мөөнөтү 2019-жылдын аягы экенин кошумчалады. Газ кууру Европанын түштүк-чыгыш бөлүгүнө тартылып, Грециянын аймагы аркылуу өтүшү мүмкүн.

Долбоор эки жыл мурда сунушталган, бирок түрк-сирия чек арасында орусиялык аскер учагынын атылып түшүрүлүшүнөн улам мамилелер кескин начарлап кеткендиктен убактылуу токтоп калган. Учурда Москва менен Анкара мурдагы экономикалык тыгыз байланыштарды калыбына келтирүү аракетинде. «Түрк агымын» куруу тууралуу келишимге Орусия президенти Владимир Путин менен Түркия президенти Режеп Тайып Эрдоган ушул апта башында Стамбулда кол коюшкан.

Булак:  “Борбор Азия жаңылыктар кызматы”

0 комментариялар
Кененирээк
АРХИВДЕР, ДҮЙНӨ ЖҮЗҮНДӨ - 10.10.2016

«Грузин кыялы» партиясы парламенттик шайлоодо жеңишке жетишти

Грузияда 8-октябрда өткөн парламенттик шайлоодо бийликчил “Грузин кыялы” партиясы жеңгени расмий кабарланды.

Борбордук шайлоо комиссиясы билдиргендей, аталган партия 48,6 % жакын добуш топтогон. Экинчи орунду экс-президент Михаил Саакашвилинин “Бирдиктүү улуттук кыймыл” партиясы ээледи. Оппозициядагы бул партия 27% добуш алды. Калгандарынын тагдыры бир мандаттуу округдарда чечилет.

“Грузин кыялы” партиясы 8-октябрда шайлоо аяктары менен эле өздөрүн жеңүүчү катары жарыялаган. Оппозициядагы партиялар административдик ресурс колдонулганын айтып жатышат.

Эл аралык байкоочулар болсо добуш берүү жакшы уюштурулганын билдиришти. Алар шайлоодо жалпысынан эркиндик жана атаандаштык болгонун баса белгилешти. Бирок үгүт маалындагы айрым мыйзамсыз шайлоо кампаниялары жана кыйноо аракеттери саясий өнөктүккө өз таасирин тийгизгенин айтышты.

Парламенттик шайлоого катышууга 19 партия жана алты блок каттоодон өткөн. Мамлекетте үч жарым миллион адам шайлоо укугуна ээ. Жарандар 150 депутатты төрт жылдык мөөнөткө шайлашты. Аларга мандат ноябрда берилет.

Булак: Борбор Азия жаңылыктар кызматы

0 комментариялар
Кененирээк
БАШКАЛАР, ДҮЙНӨ ЖҮЗҮНДӨ, САЯСАТ - 26.09.2016

Пан Ги Мун, БУУнун генкатчысы: "Көптөгөн өлкөлөрдүн лидерлери Конституцияны көчүрүп жазып, шайлоо жараянын манипуляциялап, өз жарандарына чыккынчылык кылат"

Көптөгөн саясий лидерлер өз жарандарынын кызыкчылыктарына чыккынчылык кылат. Бул туурасында БУУнун башкы катчысы Ги Мун Башкы Ассамблеянын жыйынында билдирди. Анын сөзү уюмдун сайтында жайгаштырылган.

«Көптөгөн өлкөлөрдүн лидерлери Конституцияны көчүрүп жазып, шайлоо жараянын манипуляциялап же башка дагы чараларды колдонуп жатканына күбөбүз. Кызмат жеке менчик эмес, жарандар тарабынан ишеним көрсөтүү экенин түшүнүү керек. Силер эл үчүн эмгек өтөшүңөр керек. Демократияны олку-солку кылып, өз өлкөңөрдөгү жаратылыш байлыктарын талап-тоноп, сын-пикир айтандарды темир тор артында камоону токтоткула»,-деди Пан Ги Мун.

Баш катчы демократиялык этикетти четке коюп, бүгүнкү күндөгү курч маселелерди чечпеген өлкөлөрдү кескин сынга алды. Ал дүйнөлүк лидерлер өз жарандары алдында жоопкердигин, эл аралык коомчулук болсо учурдагы көйгөйлөрдү чечүүгө кудуреттүү экенин эске салды.

“Жарандар жана алардын лидерлери ишенбөөчүлүк деген туңгуюукту тең бөлүшүүдө. Экстремисттер “өз” жана “бөтөн” деп бөлүнүп-жарылууга аргасыз кылып жатат. Жер буга суу ташкындары, бороон-чапкын, куйкалаган ысык менен жооп берүүдө”,-деди ал.

Пан Ги Мундун ыйгарым укуктары ушул жылдын соңунда аяктайт.

Булак:  “Борбор Азия жаңылыктар кызматы”

0 комментариялар
Кененирээк
БАШКАЛАР, ДҮЙНӨ ЖҮЗҮНДӨ, САЯСАТ - 26.09.2016

Пан Ги Мун, БУУнун генкатчысы: "Көптөгөн өлкөлөрдүн лидерлери Конституцияны көчүрүп жазып, шайлоо жараянын манипуляциялап, өз жарандарына чыккынчылык кылат"

Көптөгөн саясий лидерлер өз жарандарынын кызыкчылыктарына чыккынчылык кылат. Бул туурасында БУУнун башкы катчысы Ги Мун Башкы Ассамблеянын жыйынында билдирди. Анын сөзү уюмдун сайтында жайгаштырылган.

«Көптөгөн өлкөлөрдүн лидерлери Конституцияны көчүрүп жазып, шайлоо жараянын манипуляциялап же башка дагы чараларды колдонуп жатканына күбөбүз. Кызмат жеке менчик эмес, жарандар тарабынан ишеним көрсөтүү экенин түшүнүү керек. Силер эл үчүн эмгек өтөшүңөр керек. Демократияны олку-солку кылып, өз өлкөңөрдөгү жаратылыш байлыктарын талап-тоноп, сын-пикир айтандарды темир тор артында камоону токтоткула»,-деди Пан Ги Мун.

Баш катчы демократиялык этикетти четке коюп, бүгүнкү күндөгү курч маселелерди чечпеген өлкөлөрдү кескин сынга алды. Ал дүйнөлүк лидерлер өз жарандары алдында жоопкердигин, эл аралык коомчулук болсо учурдагы көйгөйлөрдү чечүүгө кудуреттүү экенин эске салды.

“Жарандар жана алардын лидерлери ишенбөөчүлүк деген туңгуюукту тең бөлүшүүдө. Экстремисттер “өз” жана “бөтөн” деп бөлүнүп-жарылууга аргасыз кылып жатат. Жер буга суу ташкындары, бороон-чапкын, куйкалаган ысык менен жооп берүүдө”,-деди ал.

Пан Ги Мундун ыйгарым укуктары ушул жылдын соңунда аяктайт.

Булак:  “Борбор Азия жаңылыктар кызматы”

0 комментариялар
Кененирээк
Меню