Азыркы депутаттар былтыр шайлоо алдында эгер шайланып калышса, баардыгы үй, кызматтык машина сыяктуу сый ургалдардан баш тартыша тургандыгын айткандыгы кулагыбызда дале жаңырып турат. Бирок жарым жыл иштесесе да эл өкүлдөрү өлкөбүздүн турмушуна керектүү мыйзамдарды жаза элек. Анткен менен келер менен эле кымбат кресло, килем сатып алууга миллиондогон сомдорду бөлүп, таң калтырган.
Эми кезек үйгө келип, депутаттыкты менчиктештирип алгандай өмүр боюу шайланып келген, анын арты менен бир топ байып алгандары “итке минген томаяк” болуп чыгышты. Баарынан кызыгы, буга чейин төрт жолку депутат Анвар Артыков үйү жок, “бомж” болуп чыкты. Көрсө, 6-чакырылыштын эң улуу депутаты кызматтык батирди мындан 20 жыл илгери эле алып, кызына энчилеген экен. “Ооба, эки кабат менчик үйүм бар, жаңы кургам. Бирок кызматтык батирди 20 жыл мурда эле сый акы катары беришкен. Азыр анда кызым эки баласы менен жашайт. Буга чейин Акаев да, Бакиев да тартып алгысы келген, бирок сотто утуп алгам. Ошолор ала албаган азыркылар тартып алмак беле? Бул маселени айрымдар упай топтош үчүн атайын чагым катары кайра көтөрүп жатышат”,- деп каңырыгы түтөп айтты. Эми калганын арманын укпай эле коёлу.
Булак: “Майдан.kg”
КОММЕНТАРИЙ КАЛТЫРУУ