Ооганстандын өкмөттүк аскерлери өлкөнүн түндүк-чыгышындагы стратегиялык мааниге ээ Зебак уездин толугу менен өз көзөмөлүнө алды. Бул тууралуу Бадахшан провинциясынын администрациясынан билдиришти.
Бадахшандын жергиликтүү бийлиги өкмөттүк аскерлер 100дөн ашуун жоочуларды жок кылганын маалымдады. Уездди бошотуу операциясын генерал Жалал Яфтали жетектеди. Аны Бадахшан провинциясынын башчысы жана Ооганстандын коргоо министринин орун басары коштоп жүрдү.
Пакистан жана Тажикстанга жакын стартегиялык жактан маанилүү болгон Зебак уездин талиптер эки апта мурун, 28-апрелде басып алышкан. Жоочулар Ооганстандагы Ишкашим шаарын тартып алууга аракет жасашканы менен жыйынтык чыккан эмес.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ