Маалыматтар боюнча, 20-октябрда саат 18:30 чамасында “ДЭУ Матиз” унаасынын айдоочусу 1979-жылы туулган М.Н Кара-Суу районунун Төлөйкөн айыл аймагына караштуу Коргон айылындагы Мирвана кафесинен өтүп бара жаткан. Аны “ВАЗ” үлгүсүндөгү автоунаанын айдоочусу алдынан кесип өтүп, экинчиси артынан тосуп жолдун четине токтотушкан. Медициналык беткап кийген үч белгисиз адам айдоочуга чуркап келип, тапанча менен коркутуп, андан 5 миллион 186 миң сом, 2500 доллар жана 130 миң рубль алып кетишкен. Кол салгандар унааларына отуруп, белгисиз тарапка качып кетишкен.
Бул факт боюнча кылмыш иши козголгон. 6-ноябрда тинтүү учурунда милиция кызматкерлери кылмышка шектүүлөрдү аныкташкан. Алар Алай районунун 36 жаштагы тургуну И.М. жана Ысык-Көл облусунун 29 жаштагы тургуну Э уулу С. болгон. Алардын бардыгы убактылуу кармоочу жайга киргизилген. Тергөө иштери уланууда.
КОММЕНТАРИЙ КАЛТЫРУУ