Кечээ, 10-ноябрда Бишкекте кечки саат 21:00дор чамасында Калык Акиев жана Жибек Жолу көчөлөрүнүн кесилишинде жүк ташуучу унаа адамды сүзүп, андан аары унаасын айдап кетип калган. Бул тууралуу жергиликтүү ММКлар жазып чыкты.
“Эркек киши жалгыз жашаарын айтты. Жанында баштыкта көп буюмдары болгон. Менин түшүнүгүм боюнча, анын туугандары жок. Жабырлануучуну тез жардам кызматы алып кетти” – деди окуяга күбө болгон кыз. Ал жабырлануучудан кабатыр болуп, унаа кырсыгынын башка күбөлөрүн издеп жатат.
Тез жардам борборунун маалыматы боюнча, эркек башынан жаракат алган. Тез жардам аны улуттук госпиталга жеткирген.
Патрулдук милиция башкармалыгынын басма сөз кызматы маалыматты такташарын билдирди.
КОММЕНТАРИЙ КАЛТЫРУУ