Эртең, 18-февраль күнү Жалал-Абад шаарынын Барпы театрында коомдук угуулар уюштурулуп, Жалал-Абад шаарынын мэри Салайдин Авазов 2015-жылы аткарылган иштер боюнча шаардыктарга отчёт берет. Бул тууралуу шаар мэриясынан билдиришти.
Алынган маалыматтарга караганда, шаар башчысы 2015-жылы шаардагы аткарылган иштер боюнча кеңири отчёт берүү менен бирге 2016-жылга сунуш кылынып жаткан шаар бюджетинин долбоору жана аткарыла турган иштер тууралуу да кеңири кеп козгойт.
Эске сала кетсек, шаардыктардын алдында шаар башчысынын отчёту коомдук угууларда каралып, эл сынына коюлушу салтка айланган. Шаардагы ар кандай маанилүү маселелер коомдук угууларда талкууланып, элдин сунуш-пикирлерин эске алуу менен чечим кабыл алынат жана ишке ашырылат, деп билдиришет мэриядан.
КОММЕНТАРИЙ КАЛТЫРУУ