“Менин Алмазбек Атамбаевге жеке кастыгым же душмандыгым жок. Болгону Кыргызстан үчүн, кыргыз эли үчүн берген убадаларынын бирин дагы аткарбады. Мен, жакын адамымдын кызыкчылыгы үчүн Кыргызстандын кызыкчылыгын эч качан сатпаймын.” Кубанычбек Кадыров.
(Кубанычбек Кадыровдун, УКМКга кармалганда тергөө учурундагы Атамбаев жөнүндө айтылган ачыкка чыккан ойлору)
Мисалы, Алмаз Атамбаев 2010-жылы мамлекетти мыйзамсыз түрдө басып алган. Атамбаев, бийликти басып алып туура эмес иш кылып, конституцияны бузган. Атамбаевдин кесепетинен Кыргызстанда 87 бала каза болду, жүздөгөн балдарыбыз жаракат алды. Ошондо Атамбаев, Бакиевдин маалында чогу оппозицияда жүргөндө айтчу, “мен бийликке келсем кыргызстанды оңдойбуз, Кумтөр Кыргызстанга өтүп, электроэнергиянын баасы кымбаттабашы керек. Анткени, электроэнергияны Максим Бакиев жеп жатат. Мен кудай колдоп президент болуп калсам, УКМК жок кыламын, анткени булар оппозицияны эле аңдып жүрүшөт. УКМК жоюп, мен буларга чек ара кайтартамын” деген булардын бирин аткарган жок.
Ал эми 2009-жылы миңдеген адамдардын алдында: “Оң жагымда көл, сол жагымда тоо, үстүмдө көк асман турат”, сиздер колдоп президент болуп калсам Кыргызстанды оңдоймун, силерге ант беремин, Каркыра деген кыргыздын намысы, Нурекеге айтып Каркыраны кайтарып аламын” деген ошолордун бирин аткарган жок. Криманалдарды талкалаймын деген. Бакиевдин маалында бир “вор в законе” болсо, азыр бул бийлик учурунда “төрт вор в законе” турат. Бакиев качырбаган Батукаевге бир күндө паспорт берип, кызыл килемге салып туруп, чартерный рейс самолёт менен узатып койду. Бул эмне деген шумдук. Коррупциялык схеманы талкалаймын деген. Мына Семетей жана Сейтек деген балдары автомашта эмне кылып отурат. Электроэнергия 1,50 тыйын болгондо айткан, “уят мунун баасы 15 тыйын” деген. Чындыкты айтыш керек, революция электроэнергия үчүн болгон. Атамбаев, бир дагы убадасын аткарган жок. Мен анын жанында жүрүп баарын билемин. Мына, 2010-жылы Алмаз Атамбаев, “жер-жерлерди басып алгыла деп Нарында, Таласта, Ысык-Көлдө бийликти басып алгыла” деп баарына акча берген. Атамбаевдин жүргүзүп жаткан саясатына каршымын. Мен чындыкты баардык ММК айтып, ошондой эле мыйзам чегинде аракеттерди көрүп жатамын. Кесибим боюнча юристмин. Алмаз Атамбаев, Ош шаарында 20-мартта, президент башы менен “призыв” кылды. Кыргыз менен кыргызды чабыштырып жатат. Демек, Атамбаев дагы КР КЖК жообуна тартылыш ага дагы кылмыш иши козголушу керек.
Бул тууралуу маалыматты СДПКнын экс-депутаты Кубанычбек Кадыровдун жактоочусу Акин Токтоналиев билдирди.
Гүлжан Шерипбаева, Кyrgyztoday.kg
КОММЕНТАРИЙ КАЛТЫРУУ