“Прайм Строй”компаниясынын мыйзамсыз иштери

Бишкек шаарындагы Максим Горький атындагы парктын түштүк тарабында жайгашкан “Прайм Строй”компаниясы  тарабынан тургузулган “2 КИТА” аталыштагы көп кабаттуу үйдүн тегерек четин мыйзамсыз курчоого алышкан.

Бул туурасында Мамэкотехинспекциянын басма сөз кызматты билдирди.  Маалыматта буга чейин 1 гектарга чукул аянтты ээлеп келген “Прайм Строй” компаниясы мамлекетке эч кандай салык төлөгөн эмес. Анын кесепетинен Кожомкул атындагы спорт сарайынын айланасына салынып жаткан көп кабаттуу үйлөр жер алдынан өтүүчү суу,түтүкчөлөрүн жана канализацияларды улай алышпай келишпестиктер жаралган.

Мамэкотехинспекция кызматкерлеринин айтымында буга чейин бир нече ирет сотко кайрылып,мыйзамсыз кармап алган жерлерди кайтарып алуу иштери жүргүзүлүп келген. Бирок соттун чечимине макул болбогон “2 КИТА” үйүнүн жашоочулары сот чечимин кайра өзгөртүү боюнча арыз жазганын билдиришти. Аталган курулуштун аянты туура эмес кармалгандыктан унаа жолдоруу кууш болуп өтүүгө чон тоскоолдук болуп жатат.

Булак: “Эл деми”