Исфара менен Баткендин жетекчилери “Чилгази” сугат каналынын суусун бөлүштүрүү процессин мураптын колуна өткөрүп берүүнү чечти. Ал сугат системасын башкарып, сууну айылдарга бөлүштүрүп берүүгө жооптуу болот.
Исфара менен Баткендин суу чарба башкармалыктары “Чилгази” сугат каналынын суусун эки өлкөнүн чектеш айылдарынын ортосунда бөлүштүрүү туурасындагы келишимге кол коюшту. Эми суунун 80 пайызын Тажикстан, 20 пайызын Кыргызстан колдоно турган болду.
Азыркы тапта суу берүү жана аны бөлүштүрүү милдети кыргыздардын Карабак айылынын тургундарынын бирине жүктөлгөн.
22 чакырымга созулган «Чилгази» сугат каналынын башаты Исфара дарыясында жайгашкан. Анын жардамы менен кыргыздардын 400 гектарга жакын жер тилкеси жана тажиктердин 1000 гектардан ашуун болгон Лаккон менен Исфара аймактарынын жер тилкелери сугарылат.
Канал 50-жылдарда эле курулган.
Чек аранын эки тарабындагы адамдар эми сууга байланышкан бардык чыр-чатактарга чек коюлду деп үмүттөнүшөт. Исфаранын 80 миң тургуну жана Баткендин 7 миң жашоочусу үчүн суунун жетишсиздигинен көп жылдар бою айыл чарба максатында колдонулбай келген жерлерин сугарууга шарт түзүлдү.
Суунун тартыштыгы буга чейин эки өлкөнүн чектеш аймактарындагы кандуу талаш-тартыштардын себепчиси болуп келген
КОММЕНТАРИЙ КАЛТЫРУУ